喺 2025 年 8 月 19 日，我哋想考你嘅廣東話詞彙係
・・・ 執死雞 ・・・
估下，以下邊個意思至啱？
（Click 落去開估 😉）
感謝支持🫡 日日廣東話
平時朝早同夜晚，我都會花時間準備「日日廣東話」，
搵例子、寫解釋、查典故，希望每日都可以，
送一個地道嘅廣東話詞畀你，又唔駛擔心會睇廣告。
呢個專欄會繼續保持 免費、無廣告、長期更新，
不過都需要讀者嘅支持先可以長做長有。
如果你覺得「每日廣東話」幫到你，
不如考慮俾少少支持——
就好似一杯咖啡嘅價錢，
都已經可以幫我負擔寄送、平台同維護嘅成本。
👉 支持連結： [訂閱支持]
多謝晒！
— 日日廣東話 小編
正解
✅ 撿到著數 / 佔便宜
定義
「執」即係撿嘢；「死雞」就係冇人要嘅雞。唔駛付出乜嘢，就可以攞到好處 → 引申為 唔使出力就得著數。
通常帶少少負面意味，用嚟笑人「貪小便宜」。
例子
中國海外（00688）上月8.6億投得市建局旺角山東街項目 ，當局公布餘下5份標書出價，發展商險勝1%或不足1000萬元，但有財團擬「執死雞」，最低入標價不足2億元，相當每呎地價1237元 - 經濟日報・地產站（2025 年 6 月 26 日）
英超｜傳李察利臣重返愛華頓 莫耶斯否認 加拉塔沙雷有意執死雞 - 星島日報（2025 年 7 月 1 日）
詞源
源自昔日香港街市：有雞販掉咗啲死雞，啲人就會執返屋企食，或者轉賣賺錢。
→ 所以「執死雞」本身就係「唔使付出咩代價，但有好處」。「執死雞」仲係香港足球圈常用嘅講法：
當進攻一方射門不中，被守門員或者門柱彈出，但啱啱落返喺同隊球員腳下，順勢補中入網，呢個入球就叫「執死雞」。
類似詞彙
搵著數
執二攤
📬 讀者互動
有咩 feedback 或者新詞想投稿 → 可以直接 email 俾我哋
如果有朋友都鍾意學廣東話，forward 呢封郵件俾佢啦！
