喺 2025 年 8 月 19 日，我哋想考你嘅廣東話詞彙係
・・・ 左膠 ・・・
估下，以下邊個意思至啱？
（Click 落去開估 😉）
政治上極左派人士
成日用膠水黐嘢嘅人
自以為仁慈，但思想天真、不切實際嘅人
感謝支持🫡 日日廣東話
平時朝早同夜晚，我都會花時間準備「日日廣東話」，搵例子、寫解釋、查典故，希望每日都可以，送一個地道嘅廣東話詞畀你，又唔駛擔心會睇廣告。
呢個專欄會繼續保持 免費、無廣告、長期更新，不過都需要讀者嘅支持先可以長做長有。
如果你覺得「每日廣東話」幫到你，不如考慮俾少少支持 —— 以一杯咖啡嘅價錢，都已經可以幫我負擔寄送、平台同維護嘅成本。
👉 支持連結： [訂閱支持]
多謝晒！
— 日日廣東話 小編
Thanks for reading 日日廣東話! Subscribe for free to receive new posts and support my work.
正解
✅ 自以為仁慈，但思想天真、不切實際嘅人
定義
「左膠」係一個 香港網絡政治俚語，帶強烈貶義。
「左」 = 左派、自由派，強調理想主義、平等、人道主義。
「膠」 = 粵語網絡語言，原本由「硬膠」演化而來，意思係「愚蠢、思想僵化」。
合起嚟就係：過度理想化，淨係講理想，忽視現實影響嘅人。
例子
慣於二元對立的港人，在面對否定或反對的事情或人物時，一起手就用上「左膠」標籤。最吊詭的是，在香港一向支持民主派的人，來到加拿大反而支持美加的保守派，把民主派或非保守派一律地打成「左膠」｜ 追新聞 ｜2025 年 4 月 22 日
極端左翼的激進左膠們，以大寫的「社會正義」和道德守門人自居，不只公開地把自由主義作為一種壓迫形式而排斥，還以愈來愈威權的方式和教條式的意識形態，來規範社會應該要有怎麼樣的秩序 ｜ 轉角國際 ｜2025 年 5 月 21 日
詞源
早於 2009 年香港網絡討論區及媒體，最早出自網絡評論人林忌文章。
初期用嚟串「只講理想主義、忽視現實影響」嘅左派人士。
隨住 2010s 嘅社會運動（高鐵爭議、反國教、碼頭工潮、雨傘運動），呢個詞用得更廣。
常用嚟批評啲人過度強調「包容、非暴力、理想主義」，但對現實政治困局無力。
亦反映香港政治語境入面，對異見人士嘅標籤化與對立。
相關講法
右膠
白左
📬 讀者互動
有咩 feedback 或者新詞想投稿 → 可以直接 email 俾我哋
如果有朋友都鍾意學廣東話，forward 呢封郵件俾佢啦！
